- 07.10.2024
- 26
- нет
Махталбыт, тапталбыт бастыҥа, эйиэхэ ананар, Учуутал!
Арбын нэһилиэгэр «Тускул» култуура киинин, библиотека, олохтоох оскуола коллективтарын тэрээһиннэринэн, учуутал күнүгэр аналлаах биэчэргэ 50 сыл саха тылын уонна литературатын учууталынан үлэлээбит СӨ үөрэҕириитин туйгуна, «Учууталлар учүүталлара», Семен Новгородов аатынан стипендия, «Нам улууһун Ытык киһитэ» бэлиэлэр хаһаайкалара Вера Спиридоновна Колесованы чиэстээһин буолла. Кини Бүлүүтээҕи педколледжы, СГУ Саха тылын салаатын бүтэрбитэ.Үлэтин 1974 сылга Көбөкөн 8 кылаастаах оскуолатыттан саҕалаабыта. Онтон 1976 сыллаахха Арбын начальнай оскуолатыгар ананан кэлэн учууталлаабыта.
СГУ саха салаатын 1981 сыллаахха бүтэрэн,онтон ыла саха тылын уонна литературатын учууталынан олус кыһаллан ,айымньылаахтык,ситиһиилээхтик үлэлээн кэллэ.Үрдүк категориялаах учуутал буолан, учүүталларга наставник быһыытынан элбэх сүбэни — аманы биэрэн кэллэ.Коллектива махтала улахан. Үөрэнээччилэрэ научнай конференцияларга дакылаат ааҕан ситиһиилээхтик кытталлара. Кылаас салайааччытынан үлэлээн, хас да выпуһу таһаарбыта. Үөрэнээччилэрэ сөптөөх идэни талыыларыгар элбэх үлэни ыытан, көмөлөһөн ,оҕолор үөрэхтэнэн араас идэлээх үлэһит буолан ситиһиилээхтик үлэлии сылдьаллар.
Учууталларын курдук саха тылын уонна литературата учууталын идэтин, элбэх үөрэнээччитэ талан айымньылаахтык үлэлии сылдьаллар.
Вера Спиридоновна кэнники сылларга уолаттар хоһоону дорҕоонноохтук ааҕыыларыгар күүстээхтик үлэлэһэн кэллэ. 2017 сылтан «Саргын ыччаттара»бөлөх тэрийэн улууска,республикаҕа уоланнар ааҕыыларыгар ситиһиилээхтик кыттан кэллилэр. Гран При хаста да ылбыттара. Бу элбэх сыралаах үлэттэн кэлбитэ.Хас биирдии оҕону үөрэтии — такайыы ,оҕону уу сахалыы чуолкайдык саҥардан хоһоон аахтарыы элбэх сыратын ылбыта.Бөлөххө уонтан тахсалыы уол дьарыктанан кэллилэр.Сылын аайы уолаттар оскуолаларын бүтэрэн баран иһэллэр ,онтон саҥаттан саҥа оҕолору ылан үөрэтии элбэх бириэмэни,с ыраны ылар. Маннык үлэлээн учууталбыт Вера Спиридоновна ситиһиилээхтик үлэлээн кэллэ. Оскуолабытыгар краеведческай түмэл тэрийээччитинэн,
Ону таһынан нэһилиэк общественнай үлэтигэр кыттыһан ,элбэх сыл ветераннар советтарын председателинэн ситиһиилээхтик үлэлээбитэ. Кини үлэлиир кэмиттэн пенсионердар улууска ыытыллар спортивнай күрэхтэһиилэргэ,тэрээһиннэргэ өрүү ситиһиилээхтик кыттыбыттара. Бу саастаах дьону түмүү ,тэрийэн илдьии — аҕалыы элбэх сыраттан тахсар.Вера Спиридоновна ылыммыт ханнык баҕарар үлэтигэр олус эппиэтинэстээхтик сыһыаннаһан үлэлээн кэллэ.
Кини улахан дьиэ кэргэн ийэтэ,эбээтэ буолар.Кэргэнэ Роман Иннокентьевичтыын дьиэ туттан, хаһаайыстыба тэринэн олус иллээхтик, быр- бааччы олорон кэллилэр.
Если вам понравилась статья, не забудьте нажать на сердечко
1
Посмотрите так же
Предыдущая статья:
