Арбынская сельская библиотека

Алтынньы 19 күнүгэр «Тускул» култуура киинигэр Ийэ күнүгэр аналлаах «Цветная вечеринка” тэрээһин ыытылынна. Нэһилиэк ийэлэрэ 4 көлүөнэнэн арахсан күрэхтэстилэр. Көлүөнэлэр ыытыллыбыт жеребьевканан  дьүһүннэри таланнар, ол дьүһүннэринэн фотозона оҥороннор, ас астааннар, остуол сервировкалаан, талбыт өҥнөрүнэн 4 көрүҥҥэ (дьыалабыай, күннээҕи, спортивнай, киэһээҥҥи) мода көрдөрдүлэр, флешмоб үҥкүүлээтилэр, өҥнөрүнэн тыллаах элбэх ырыа  ыллаатылар. Ийэлэр олус кыһаллан бэлэмнэнэн, көхтөөхтүк кыттан биэчэр үрдүк таһымҥа ааста. Күрэх түмүгүнэн кыттааччылар “Бастыҥ фотозона”, “Бастыҥ остуол”, “Бастыҥ көстүү”, “Кэрэ Куолар” диэн номинациялары ыллылар. Ону таһынан барыта сүүйүүлээх лотерея оонньонно.