Арбынская сельская библиотека

Россияҕа  дьиэ кэргэн сылынан уонна Аҕа күнүн чэрчитинэн нэһилиэкпитигэр аҕаларга аналлаах тэрээһиннэр ыытылыннылар. Ол курдук «Сир симэҕэ» оҕо уһуйааныгар, оскуолаҕа араас күрэхтэһиилэр буоллулар. Суббота киэһээ “Тускул” култуура киинигэр  аҕаларга аналлаах биэчэр олус тэрээһиннээхтик ыытылынна. Түөлбэлэр дьахталлара остуол бэлэмнээн, аҕалар итии чэйдээх остуол тула олорон музыкальнай эҕэрдэ көрдүлэр, сэһэргэстилэр. Аҕалар 3 командаҕа арахсан элбэх көрүҥнээх  “Көрдөөх старт” күрэххэ сүүрдүлэр – көттүлэр, араас эриирдээх  боппуруостары таайдылар, үҥкүүлээн да ыллылар. Ону таһынан дартска, ытыыга, кронхолга биирдиилээн бастыыр иһин күрэхтэһии ыытылынна. Кыайыылаахтар мэтээлинэн, дипломунан наҕараадаланнылар. Биэчэргэ кэлэн кыттыыны ылбыт аҕалар дуоһуйа сынньанан, үөрэн – көтөн тарҕастылар.