Арбынская сельская библиотека

Кыайыыны уһансыбыт Арбыным дьоно: ахтыылар, хоһооннор/хомуйан онордо, аан тылын суруйда У.П.Иванова; кинигэ тахсыытыгар көмөлөстүлэр: Исакова Н.И., Матчитова М.Т., [уо.д.а.]; «Арбын нэһилиэгэ» МТ, Арбын орто оскуолата. — Дьокуускай: Компания «Дани-Алмас», 2017. — 272 с.: фотоил.

Нам улууһун Арбын нэһилиэгиттэн 1941-1945 сылларга Аҕа дойду Улуу сэрии кэмигэр сэриигэ кыттыбыт буойуннарга уонна тыылга Кыайыыны уһансыбыттарга анаммыт өйдөбүнньүк кинигэ.
Биһиги дойдубут Арбын нэһилиэгэ – урут Тыа Арбыҥҥа Энгельс аатынан холкуос, Арыы Арбыҥҥа Ворошилов аатынан холкуос буолан олорбуттара. Эйэлээх олохторун сэрии суостаах ыар тыына аймаабыта. 1941 сыл атырдьах ыйын 3 күнүгэр бастакы хомуурга сэриигэ барарга 5 киһи бэбиэскэ туппута.
Арбын нэһилиэгиттэн барыта, военкомат даннайынан, 51 киһи уоттаах сэриигэ барбыта, 21 буойун сэрии толоонугар көмүс уҥуохтара хаалбыта. Кинилэр албан ааттарын биһиги, эдэр көлүөнэ дьоно, үйэтитэр ытык иэспит буолар.
Сэрии кэмигэр эр киһи үлэтин дьахталлар сүкпүттэрэ. Ол курдук, күндү кэргэттэрин сэриигэ атаарбыт Бугаева Матрена Николаевна, Потапова Александра Афанасьевна, Слепцова Ирина Прокопьевна, Колесова Екатерина Потаповна уо.д.а. нэһилиэк саамай төһүү үлэһиттэринэн буолбуттара.
Күндү ааҕааччы, эн иннигэр кинигэ «Үлэнэн Кыайыыны аҕалбыт дьон» диэн төрдүс балаһата тоҥору-хатары билэн тыылга үлэлээбит дьоннорбут олохторун, үлэлэрин-хамнастарын туһунан билиһиннэрэр ахтыыларын ааҕаргар ыҥырабыт.

Ону таһынан, Арбын нэһилиэгин бочуоттаах олохтооҕо Дмитрий Васильевич Бугаев, хомуйан суруйбут «Арбын нэһилиэгэ. Эндыбаал, Моой үрэх таһаҕасчыттара. Ааллаах Үүн таһаҕасчыттара» брошюратын интэриэһиргээн ааҕыҥ.
Тыылга Кыайыыны уһансыбыт дьон ааттарын үйэтитии хас биирдии киһи ытык иэһэ
буоларын умнумуоҕуҥ!