Арбынская сельская библиотека

Сомоҕолоһуу күнүн көрсө нэһилиэкпит пенсионердара култуура киинигэр сынньанан үөрэн – көтөн бардылар. “Арбын нэһилиэгэ” муниципальнай тэриллии баһылыга Игорь Леонидович Гоголев, кырдьаҕастар сүбэлэрин председателэ Лена Степановна Гоголева үбүлүөйдээх пенсионердарга эҕэрдэ сурук, бэлэх туттардылар. Култуура, библиотека  үлэһиттэрэ Нам улууһугар пионерскай тэрилтэ тэриллибитэ 100 сылынан, Ленинскэй Комсомол 106  сылынан кинигэ быыстапката, фотозона бэлэмнээтилэр, араас боппуруостардаах “Октябрята! Пионеры! Комсомольцы!” викторина–оонньуу ыыттылар. Түмүккэ элбэх боппуруоска сөптөөх эппиэти биэрэн  кыайыылааҕынан Василий Васильевич Иванов буолла. Урукку кэмнэрин ахтыһан, көрдөөх оонньууларга оонньоон, дартска, корнхолга күрэхтэһэн дуоһуйан тарҕастылар.