Арбынская сельская библиотека

Сахалыы таба суруйуу үөрүйэҕин сайыннарар олоҥхо баай тылын-өһүн, билиини-көрүүнү кэҥэтэр сыаллаах, Олоҥхо декадатын чэрчитинэн биллэриллибит, Өрөспүүбүлүкэтээҕи «ОЛОҤХО ДЬЫКТААНА — 2025» аахсыйаҕа уопсайа 8 киһи кытынна. Быйылгы сылга И.И.Бурнашев-Тоҥ Суорун «Сылгы уола Дыырай Бухатыыр» олоҥхотуттан быһа тардыыттан суруйдулар. Дьыктаан түмүгүнэн, биир да сыыһата суох суруйан, «Бастыҥтан бастыҥ суруксут» үрдүк ааты ыллылар: Иванова Сусанна Дмитриевна — Арбын олохтоох администрациятын ТХ специалиһа, Попова Зоя Васильевна — Арбын почтатын үлэһитэ. Маны таһынан «Бастыҥ суруксут» аат иҥэрилиннэ Саввина Лариса Борисовнаҕа, Колесова Александра Егоровнаҕа уонна Бугаева Надежда Афанасьевнаҕа. “Үчүгэй суруксут” ааты ыллылар Семенова Марианна Дмитриевна, Барамыгин Владислав, Семенов Георгий. Дьыктааны аахта Арбын олохтоох бибилэтиэкэтин сэбиэдиссэйэ Иванова Антонина Николаевна.

«Олоҥхо дьыктаана — 2025» аахсыйаҕа кыттыбыт дьоммор барҕа махтал!