РС (Якутия), Намский у., с. Сыгыннах, ул. И.Слепцова, д. 25

Арбынская сельская библиотека

Книги — это мудрость, запечатленная в словах, открывающая двери в бескрайний мир знаний.

Добро пожаловать в нашу библиотеку, где каждая страница — это новое приключение, а каждая строка — ключ к пониманию бескрайних граней жизни.

Бүгүн, кулун тутар 12 күнүгэр, Улуу Кыайыы 80 сылын көрсө Нам улууһун библиотекатын ситимэ “Книжный путь Великой Победы” бырайыагын чэрчитинэн ыытыллар аахсыйаҕа кыттан, Арбын уонна Көбөкөн олохтоох библиотекалара Арбын нэһилиэгин “Тускул” култуура киинигэр көрүстүлэр

Бүгүн, кулун тутар 12 күнүгэр, Улуу Кыайыы 80 сылын көрсө Нам улууһун библиотекатын ситимэ “Книжный путь Великой Победы” бырайыагын чэрчитинэн ыытыллар аахсыйаҕа кыттан, Арбын (сэбиэдиссэй А.Н.Иванова) уонна Көбөкөн (сэбиэдиссэй Ф.Ю.Бочкарева) олохтоох библиотекалара чемоданнаах кинигэлэрин туппутунан, Арбын нэһилиэгин “Тускул” култуура киинигэр көрүстүлэр.

Бу аахсыйаҕа нэһилиэк олохтоох ааптардара таһаарбыт Улуу Кыайыыны уһансыбыт буойуттарбытын уонна ол тыйыс кэмҥэ тыылга үлэлээбит дьоммут сырдык ааттарын үйэтиппит, историяны кэпсиир кинигэлэри сырдатыы буолла. Бырайыак сүрүн сыала-соруга дойдуга бэриниилээх буолуу, гражданскай көҕү үрдэтии, бэйэ норуотун историятыгар ытыктабылы иҥэрии, биир дойдулаахтарбыт ааттарын үйэтитии.

Тэрээһин ыалдьыттарынан кэллилэр ыаллыы сытар Көбөкөн орто оскуолатын история предметин учуутала, кыраайы үөрэтээччи Лена Егоровна Жиркова-Бочкарева, Арбын орто оскуолатын алын кылааһын учуутала Ирина Алексеевна Исакова уонна «Тускул» култуура киинин дириэктэрэ Оксана Николаевна Соловьева.

«Көбөкөн нэһилиэгэ Аҕа дойду сэриитигэр. 1941–1945» кинигэ туһунан кинигэ ааптардарыттан биирдэстэрэ Л.Е.Бочкарева-Жиркова умсугутуулаахтык сырдатта.

Сэрии кыттыылаахтарын тустарынан хомуллубут матырыйаалларынан, Улуу Кыайыы 70 сылын көрсө сэриигэ сылдьыбыт Арбыммыт буойуннарыгар, тыылга кыайыыны уһансыбыт дьоҥҥо болҕомтону күүһүрдэн, кинилэр ааттарын үйэтитэр туһугар “Кыайыыны уһансыбыт Арбыным дьоно” диэн кинигэ тахсыбыта. Бу кинигэ тахсыытыгар саамай үлэлэспит киһинэн биһиги биир убаастыыр, ытыктыыр киһибит Саха Республикатын үөрэҕириитин туйгуна, Нам улууһун уонна Арбын нэһилиэгин Ытык киһитэ, «Учитель ученических признаний» знактар хаһаайыннара Иванова Ульяна Петровна буолар.

Тэрээһин иккис чааһыгар мустубут дьон Аҕа дойду сэриитин туһунан билиилэрин тургутан көрдүлэр. Тургутук түмүгүнэн кыайыылааҕынан Арбын орто оскуолатын 10 кылааһын үөрэнээччитэ Василий Иванов, иккис миэстэҕэ 6 кылаас үөрэнээччитэ Степа Баишев уонна үһүскэ Василий Васильевич Иванов тиксэннэр, добун суруктарынан бэлиэтэннилэр.

Тэрээһинтэн оҕолор да, улахан да дьон элбэҕи билэн, дуоһуйан тарҕастылар. Кэлэн кыттыбыт дьоммутугар улахан махталбытын тиэрдэбит.