Арбынская сельская библиотека

Сэтинньи 25 күнүттэн ахсынньы 5 күнүгэр диэри Арбыҥҥа Олоҥхо декадата ыытылына. “Тускул” култуура киинин фойетыгар олохтоох библиотека “Олоҥхо – саха норуотун барҕа баайа” диэн кинигэ быыстапката туруорда. Сэтинньи 27 күнүгэр олохтоохтор Олоҥхо дьыктаанын суруйдулар. Онтон Россияҕа Дьиэ кэргэн, Өрөспүүлүкэҕэ Оҕо саас сылларынан саргылаах саха тылбытын сайыннарар, оҕону төрүт тылынан саҥардар сыаллаах дьиэ кэргэнинэн олоҥхону дорҕоонноохтук ааҕыы ыытылынна. Манна сиэннэр, оҕолор, төрөппүттэр, эбээлэр, эһээлэр олоҥхону дорҕоонноохтук ааҕан кытыннылар. Кыттыбыт дьиэ кэргэттэргэ сертфикат туттарылынна. Оскуола оҕолоругар “Олоҥхону хатылаа” диэн уруһуй күрэҕэр бастакы миэстэни 10 кылаас үөрэнээччитэ Алексеева Сандаара ылла. Иккискэ 7 кылаас үөрэнээччитэ Саввина Анита, үһүскэ 4 кылаас үөрэнээччилэрэ Иванов Тимур уонна Саввин Лева тигистилэр.